د اسلام تاریخ د فکري جګړې په لمبو کې

د اسلام تاریخ د فکري جګړې په لمبو کې  

    

  د پیړیو را پدي خوا د اسلام   د تخریب ،  تحریف  د مسلمانانو د کمزوری کولو په موخه  د نړئ په  کچه  توطیی  او دسیسې روانې دي  ، چې په  نتیجه کې   د اسلامي امت د ننه ګڼې خرافاتی ، او منحرفی ډلې را دبره شوې ، چي په اسلامي شریعت  ، کلتور ، تاریخ او یوالې یې ناوړه اغیزی درلودي ، دا لړي په تیرو دوو پیړیو کې د تبشیر او استشراق په نومونو د زاړه او نوی  استعمار په ټوله دوره کې ښه په درځ  روانه وه ، او ډیرې لاسته راوړنې یې درلودي .

همدا اوس هم  اسلام د دین  د تخریب په موخه د اسلام د دین  فرهنګ ، شریعت ، تاریخ ، شخصیتونه او  مراجع  تر برید  لاندې دي  ، خو د اسلام  تاریخ ددوی تر ټولو مهم او لوړ هدف  دی ،  ځکه همدا تاریخ دی چې اسلامي امت یې له فلیپین څخه نیولی تر مراکشه د یوه هار په شان په یو تار کې سره پیلی  ، نو هڅې  کوی تر څو دا هار د قومپالني اوبی دینئ   د تصور په قیچې پری او دا امت د دانو په شان سره  وپاشي او بیا یې د خپلي خوښې په اساس تر خپل واک لاندې راولي .. اوس مهال  مسلمانان د همدی تاریخ په اساس د نورو  مسلمانو  ملتونو سره ځان تړلی ګڼې  ، د هغوی په درد دردمن کیږي او په خوښی یې خوشهالي کوي .  دوی ددی هدف د ټکولو ، له منځه وړلو ، تحرف کولو لپاره له ګڼو وسایلو او ګړنلارو کار اخیستی او لګیا دي خپله  لاره تعقیبوي ،  چي په ټولیزه توګه دوه لاری کاروي :
۱- د اسلام د تاریخ بدنامول ، تحریفول او بلآخره له منځه وړل .

۲ – مسلمان ملتونه  د اسلام د تاریخ  څخه ناخبره ساتل ، بی باوره کول او له تاریخ څخه بیلول .

 د لومړی مادی له مخې  د اسلام د تاریخ  معاندینو او د هغوی کورنیو لارویو د تاریخ  د تحریف او بدنامولو په موخه د   د تاریخ د څیرني او نقد   لپاره ځینې خاصې لاری چارې په کار اچولې دي ،، تر څو وکولای شي د اسلامي امتونو تاریخ   تر پوښتنې لاندې راولي  ، ددي کړنلارو په لړ کې به موږ ځینې په ګوته کړو :

 ۱-تر هر څه د مخه ددوی تګلاره د تاریخ په  څیړنه او نقد کې د سیکولر او بی دیني په بنسټ ولاړه ده ، دا چي  دوی دین او وحي ته عقیده نه لری  او ارزښت نه ورکوي ، نو هره دینې خبره تر پوښتنې لاندي راولي او د خپل فکر په اساس یې تفسیر کوي  پرته له دي چي د موضوع اصلي واقعیت ته څیر شي ،  تاریخ  د خپل تصور او ایډیولوژي په بنسټ ترڅیړنې لاندې نیسې  ،  بیا  په هر هغه څه د بطلان کرښه را کاږي کوم چي ددوی له تصور او فکر سره په ټکر کې وي ،  تر دی چي کله خو د یوه حقیقت سره د ټکر په صورت کي د نصوصو تحریف او تبدیل ته هم ملا تړی تر څو یې څیړنه خپلي عقیدي او تصور ته برابره کړي .. له همدی امله د رسول الله (ص) سیرت هم د یوه پیغمبر په صفت  نه ، بلکه د یوه عادی شخص  ،  یوه فیلسوف ، امپراتور ، سیاست مدار او ځینې خو یې لا د نورو ادیانو څخه د  روزل شوي شخص په صفت معرفی او تاریخ یې په تحریف شوې بڼه  په همدي رڼا کې لیکي .

۲-  د اسلام د تاریخ په څیړنه کي  ددوی علمي تجاهل  د اسلامي فرهنګ  څخه   ناخبری او ناپوهې  هغه څه دي چي د اسلام تاریخ یې پری تحریف کړی ، ،دوی پرته له دي چي رښتینی موضوعات را نقل کړی ، د خپلو لیکنو د ښایسته کولو لپاره هر خس او خاشاک را ټولوی بیا یې د علمی څیړني په نوم خلکو ته وړاندي کوي ، د خپلو لیکنو او استدلال لپاره  د اسلامی کتابونو  څخه  ډیر کمزوری ، بی باوره ،  غیر ثقه او ضعیف الروایه کتابونه غوره کوي  .

۳-  له بل پلوه د اسلامی مصادو او مراجعو له مراتبو  څخه په اصولی ډول کار نه اخلی ، او یا یې په قصدي ډول  تحریفوي ، دوی د خپلو خبرو د تصدیق لپاره هغه مراجع غوره کوي چي اصلا د څیړني په موخه باید ونه کارول شي  ، د بیلګي په توګه د شعر او ادب له کتابونو یوه خبره را اخلی بیا یی د نبوي احادیثو په تاریخ کې د بیلګي په ډول راوړي ،  د  کتاب الحیوان ،فلسفی  او شعرونو له کتابونو  اقوال را نقل کوي بیا  د امام مالک د الموطاء خبره  پرې باطلوی او یا د امام بخاری خبره پری نقد کوي
  ۴- علمي امانت داری نه مراعات کول دي ،  د دوو لا ملونو  له امله علمي امانت داری نشي مراعاتولای چي ددوی د فکر څیړونکی محمد اسد پري شاهدی ورکوي او وایی :

الف: اروپایی څیړونکي په فطری ډول  د دیني او مذهبي څیړنو څخه  د علم او کلیسا تر منځ د  هغي اوږدي جګړي له امله چي دوی په خپل تاریخ کې ورسره لاس او ګریوان ؤ کرکه لری ، نو هیڅکله نه غواړي دینی کړنو او حقایقو  ته په وضعي کړنو او قوانینو برتری ورکړی .

ب : د صلیبی جګړو څخه رانیولی بیا د اندلس تر تمدنه  او عثمانی امپراتوری  تر بریاؤ چي (رومی امپراتوری یې دړې وړي کړه )  له اسلامی ارزښتونو ، قوانینو او تاریخي بریاوو څخه  کرکه لری ، نو نه غواړی چي اسلامي  ارزښتونو ته په مادی او وضعي قوانینو او تاریخي پیښو ترجیح ورکړي ، له بلي خوا   د مسلمانانو په وړاندي کرکه او کینه  یې دومره پیاوړې ده چې  هيڅکله هم د اسلام د تاریخ او فرهنګ برتری نشي منلای او نه یې تایدوي .

محمد اسد (چي یو عرب لیکوال دی ) لیکي چي مستشرقین د اسلامی څیړنو به پرخه کې  هیڅکله هم له علمي اصولو کار نه اخلی ، بلکه ډیر ځله په لاندي ډول د اسلام د  څیري د پیکه کولو او کمزوری کولو لپاره کار اخلی :

1- د اسلامي نصوصو او لیکنو څخه غلط او درواغ تفسیر وړاندي کول ، ددی لاملونه کیدای شي دا وي چي دوی په نصوصو سمه پوهه نه لری چي دا هم ممکنه ده ، ځکه مشهور او ځلیدلی مستشرقین د عربی ژبی په ډیرو الفاظو او معانیو نه پوهیږي او د اسلامی فرهنګ له ټولو کتابونو او علومو سره اشنایی هم نه لری نو له دی کبله ډیرځله خطا کیږي او غلط تعبیرونه تری  کوی ، او یا دا چي دوی په قصدي ډول دا کار کوي چي دا بیا د اسلام او مسلمانانو سره ددوی دښمني په ډاګه کوي ، ځکه موږ د ډیرو مستشرقینو په کتابونو کي دا ډول کړني وینو په تیره بیا د جهاد ، غلامی ، د ښځی مقام په اسلام کي ، د اسلام سیاسي ، اجتماعی او اقتصادي نظامونه  ، اسلامي فرقي او ډلي او داسې نور ....ځکه دا قضیی یوازي په تاریخي پیښو نه تفسیر کیږي بلکه لازمه ده چي ددی پیښو او قضیو د څیړلو لپاره د شرعی احکامو ، تفسیر  ، فقهی او شرعی مساېیلو اصولو او کړلاری پیژندلو ته اړتیا لیدل کیږي  ..ځکه ددی اصولو پوهه د هغو کسانو لپاره چي غواړي تاریخي نصوص وڅیړي ضروري او حتمي ده    
 ۴-د تاریخ د یوه حقیقت تاییدول او په غیر مطلوب ځای کې ګټه ورڅخه اخیستل

 دوی د تاریخي څیړو په لړ کې کله هم د اسلام د تاریخ د یوه حقیقت څخه پرده پورته کوي خو بیا تري په غیر مطلوب ځای کې ګټه اخلی ،د تاریخ یو اړخ ښکاروي او بل اړ خ یې د فساد په موخه پټوي ،تر څو پیښې تر شک او پوښتنې لاندې راشي ،ډیر ځله د تاریخ ناوړه ، کمزوری او پیکه برخې د تاریخي شواهدو په توګه پرته له دي چي د پیښو قوي او پیاوړي برخې هم راوړل شي ، راټولي ،د بیلګې په توګه د اسلام د تاریخ په څیړنه کې د کورنیو جګړو، سیاسي تحولاتو ، د واکمنو واک ته رسیدنه او له منځه تلل ، د ځینو واکمنو له لوری په نورو باندي کودتاګانې ، او داسي نورې تاریخي پیښې د اسلام د تاریخ د تمثیل په توګه تر څیړنې لاندې نیسې او بیا یې د اسلام د څیري د بدنامولو په موخه خلکو ته معرفی کوي .. .

۲  -په دوهمه برخه کې چې هغه د اسلام له تاریخ څخه د مسلمانانو بیلول دي هم دوی ګڼې کړنلاری لری :

الف - د اسلام تاریخ د نورو پخوانیو امتونو په تاریخ کمزوری کول:

ددي کړنلاري په واسطه د فکري جګړي جګړه ماران توانیدلی تر څو په اسلامي نړی کې د اسلام تاریخ په ښوونځیو ، پوهنتونو او علمي مراکزو کي   دهمدي ملتونو په  قومي ، ملی ، عصری او پخوانیو جاهلی  تاریخونو کمزوری کړي ، هڅه کوي  اوسني ملی تاریخونه او پخواني جاهلی تاریخونو ته په اسلامي تاریخ لوړتیا ورپه برخه ، د اسلام تاریخ  خلکو ته یو پردئ ، او بهرنی تاریخ معرفی کړي ، او یا دا چې د اسلامي دوري فتوحات هم د نورو  استعماری ځواکونو او لښکرو سره پرتله کړی ، تر څو یې په مقابل کې د خلکو حساسیت را وپاروي .

همدا شان د خلکو د غوښتنو او اعتراض په وړاندې بیا   د اسلام  د تاریخ څخه څو محدودې پاڼې په نصاب کې د خلکو د غولولو لپاره وړاندې کوی چي هیڅ ډول تنده پري ماته نه شي ، او اسلامي تاریخ په کمزوری او حاشوي ډول تدریس کړي

دا کار هم ددی لپاره کوی تر څو د هری سیمې او هر هیواد مسلمانان له اسلامي هویت څخه خپل اصلی او پخواني هویت ته ورورګرځي ، په دي سره به اسلامي امت له منځه ولاړ شي او هر څوک به د اسلام په نومه نه ، بلکه د پخوانیو قومونو په نوم راټول شي ، د بیلګي په توګه په مصر کې فرعوني ، په عراق کې بابلی  او سومری ، په شام کې فینیقی ، په یمن کې سبابي ،په ایران کې فارسي ، په افغانستان کي آریایی او شمالی افریقا کي بربری ...تاریخونو ته وده ورکوي او اسلامي تاریخ پری کمزوری کوي

 ب:-د وروستیو پیړیو د مسلمانانو د وروسته پاته کیدو لامل ، اسلام معرفی کول ..

 د فکري جګړي  په لاره اچوونکي هڅه کوي د تاریخ په معرفی او څیړنو کي د مسلمنانو د وروسته پاته کیدو مهم لامل د اسلام دین معرفی کړي  ، دوی د تاریخ د تدریس په مهال  مسلمانان د دوو حالتونو تر منځ اختیارمن کوي ، که په دین پابند پاته کیږي ، نو باید صبر وکړي او همدا وروسته پاته کیدل ومني او وزغمي ..او که پرمختګ کول غواړي باید چي له دین څخه مخ وګرخوي ، لکه څنګه چي اروپایانو دین ته شا کړه او پرمختګ یی وګړ، خو دریم اختیار چي په ریښتیا هم د مسلمانانو د وروسته پاته کیدو لامل شوي او تر څو چي هغه لامل تر لاسه نه کړي پرمختګ به ونه کړي ، هغه نه ور په ګوته کوي ، چي هغه په ریښتینې ډول د اسلام په دین عمل کول او د اسلام لارښووني عملی کول دي ..د مسلمانانو د وروسته پاته کیدو لاملونه د  په اسلام کي پاته کیدل نه ، بلکه له اسلام څخه ناخبری او په لیری پاته کیدل دي. دوی خلکو ته ددوي د پخوانی خرافاتي دین او حق اسلام دین تر منځ توپیر هم نه ورپیژنی ، دوی خو ملامت نه ؤ چي خپل خرافاتي دین یې تر شا کړ ، دوی د دین پیرو نه ، بلکه  د یوې خرافاتي تګلاری پیرو ؤ چي خلکو په خپله په ځان منلي وه ، نو دوی په قصدي ډول د مسلمانانو د بی باوره کولو لپاره دا کړنلاره په کار اچولې ده .تر څو یی په خپل دین بی باوره او بیا تری را بیل کړي .

ج - د اسلام  په  تاریخ  کي  د ځینو ګمراه او بی دینه ډلو لویول او هغوی    تشویقول

  د فکري جګړي تبشیری ډلې او ورسره یې په اسلامي نړي کي کورني او بهرني ملاتړي د خپلو فتنو په لړ کې د اسلامي نړی دننه د ځینو بې لارو او ګمراه ډلو په پیاوړي کولو او تشویقولو غواړي د اسلام  د تاریخ اصیله څیره پیکه او کمزوري وښیی دا ډلی او ټپلي د هیوادونو وګړي معرفی کوي چې په هره برخه کې باید ازادي ولری ، او د اسلام په تاریخ کې هغه نقطی را د بره کوي چې په دې دلالت  کوي چې په دي ډلو په پخوانی اسلامي تاریخ کې ظلمونه شوي او دا ډلي پری ځپل شویدی ، تر څو له یوې خوا د هغوی په وړاندي د مسلمانانو حساسیتونه را کم کړي ،له بلی خوا د همدې ډلو  مینه او مرسته ځان ته راجلب او د مسلمانانو په وړاندې یې حساسیتونه را وپاروي  له دې ډلو څخه  :روافض ، اسماعلیه ، اغاخانیه ، معتزله ، بهاېیه ، قادیانیه ،سیکولر ، او قومي  ..او داسې نوري ګمراه دلي  چې تل یې د اسلام په تاریخ کې د یرغلګرو ملاتړ کړی او د اسلامي حکومتونو په وړاندي خنډ ګرځيدلی ، د ځان ملګري او د اسلام تاریخ پری بدنام کړي ..

 همدا شان ددې ډلو مشران د خاینانو په ځای د اتلانو ، مصلحانو ، مظلومانو او بی کسو په توګه خلکو ته ورپیژني  ، له دوی سره مرستی او همدردۍ کوي او په اسلامي ټولنو کې یې د ځواکمنو  فکري ، سیاسي ، او اقتصادي اشخاصو په صفت خلکو ته ورپیژني   چي په اوسني نړی کې یې شمیر کم دی ...ددی ډلو او اشخاصو فکر ، فرهنګ او نظریاتو ته وده ورکوي او په پوره ځواک سره یی مرسته او ملاتړ کوي ، اوس یې دي ډلو ته د مرستو او ملاتړ ډیر مرکزونه پانیستلی ترڅو یي نوری هم پیاوړي کړي .. تردی چي په اسلامي هیوادونو کي غواړی همدا کسان مشهور ، سرمایه دار او بلآخره زعامت ته ورسوی .

د: د اروپا تاریخ د اسلامي هیوادونو په نصاب کې شاملول :

سره ددی چي د اروپا تاریخ د نړی تر ټولو تیاره ، و حشتونو او وژنو ، جنګ جګړو او لوټماریو  ډک تاریخ دی ، چي نه یوازی د اروپا د خلکو بلکه د ټولي نړی د خلکو لپاره یې  لویی بدمرغی را منځ ته کړی ، چي د بیلګي په توګه د فرانسویانو ، انګریزانو، آلمانیانو ، او روسانو ترمنځ  د پیړیو جنګ جګړي ، په نړی د استعمار دوره او د نړی د ثروتونو لوټول ، دوی لویی نړیوالی جګړي ...او داسی نور چي د نړی په خلکو یې تپلی دی ، خو دوی هڅه کوي خپل تیاره تاریخ په داسي ډول خلکو ته وړاندی کړي چي ګواکي سپینې کوتری  دی چي تل یې نړی ته سوله او امن په ارمغان راوړی ، او دا خو مسلمانان دی چي تل په جګړو اخته او نړی یې بی ثباته کړی .

په اورپا کې د فرانسی انقلاب او تر هغه وروسته انقلابونه او پرمختګونه چي د استعمار زیږنده ده ، غواړی خلکو ته د پرمختک او ترقی یوازینی لاري په توګه معرفی کړي .

سره ددی چي د نړی هیوادونه د اروپا د تاریخ لوستلو ته اړتیا هم نه لری ، خو اوس یې په زیاترو تر واک لاندی هیوادونو کې خپل تاریخ په پوهنتونونو او ښوونځیو کې د نصاب په توګه منلی  چې عملا د یوه با ارزښته ، مهم او معتبر تاریخ په توګه تدریس کږي . په مقابل کې یې  اسلامی تاریخ پری ګوښه او له نصاب څخه ایستلی دی .