چراغ دانش ، د پوهې ډیوه

۱۳۹۷ خرداد ۱۶, چهارشنبه

مهاجرینو ته د اروپا اوجرمنی اړتیا او اندیښنې

لیکنه : محمد شفیق صادق ، د عربی منابعو په استناد

سره ددې چې دا لیکنه د دوه کاله مخکې احصاییو استناد کوي خو د اورپا د روان بهیر داستان دی چې اوږده سلسله لری او د را روانو کلونو خبره ده .

د یوروستات د شمیرو له مخې د اروپایی ټولنې د نفوسو شمیر د( ۲۰۱۴ )کال څخه د (۲۰۱۵ )میلادی تر پیله د (۵۰۶،۸) میلیونو څخه (۵۰۸،۱) میلیونو ته لوړ شو ، یعنې (۰،۲۵) فیصده وده یې درلوده ، او دا وده د نورو ټولنو په پرتله ډیره کمزوې شمیره ده ، چې له دي شمیري لویه برخه (۹۰۰) زره یې یوازي مهاجرین جوړوي .یعنې که چیري له دي شمیري مهاجرین وایستل شي ، نو یوازی (۴۰۰) زره به اصلی اروپایان پاته شي یعنې(۰،۰۷) فیصده چې دا د اقتصاد پوهانو په آند د نفوسو یو ریښتینې بهران دی چې خطرناکې اقتصادی او د ودې پایلې لری .او شمیري دا ښیی چې اروپایانو د اصلې اوسیدونکو د شاته تګ لوی ګراف ثبت کړی چې په دي ګراف کې لومړني هیواد چې ددې ستونزې سره لاس او ګریوان دی د آلمان ( جرمن ) هیواد دي چې په اروپايی هیوادونو کې د لوی اقتصاد خاوند هم دی .

په المان کې د شمیرو له مخې په (۲۰۱۴) میلادي کال (۷۱۰) زره نوی ماشومان زږیدلې خو ېه مقابل کې بیا (۸۷۰) زره تنه مړه شوي ، دا شمیره دا ښيی چې په دي هیواد کې هر کال (۱۶۰) زره تنه کمیږي خو د عمومې شمیرو له مخې چې د هیواد د نفوسو په اساس اعلان شوي ، وایی چې د همدې دوو کلونو ترمنځ ددي هیواد نفوس له (۸۰،۷) میلیونو څځه (۸۱،۱) میلیون ته لوړ شوی چې په حقیقت کې دا زیاتولی یوازي د مهجرینو دی چې شمیري یې (۵۶۰) زرو تنو ته رسیږي . آلمان ښه پوهیږي چې د نفوسو روان کمښت به آلمان د اقتصاد په ټولو برخو کې او د تولید له لوی زیان سره مخ کړي وده به شاتګ وکړي او غوښتنې به لوړې شي ، د اقتصادي مخې به د مالیې ورکونکو په مقابل کې د متقاعدینو شمیر لوړ شي ، یعنې مصرف به تر عاید لوړ شي ، او موجوده مالیه (چې د اروپایانو د اقتصاد لوی مصدر دی) به ونه شی کولای چې د هیواد اقتصادي اړتیا پوره کړي، بله لویه ستونزه په هیواد کې د ځوانانو په تناسب د زړو او سپین ږیرو لوړ ګراف دی ، چې نه یوازی آلمان بلکه ټوله اروپا کې په اندیښمنه کړې ، تر دې چې ځینې لیکونکې خو اروپا ته د زړو ځمکه وایی ، له همدې امله آلمان پرته له دي چې خپله اقتصادي او د نفوسو د کمښت ستونزه په مهاجرینو حل کړي ، بله لاره نه لری ، له همدې امله یې په لوی شمیرکې د مهاجرینو میشتولو ته زړه ښه کړي او داچې په المان کې د ځوانانو د بی کاری کچه یوازی (۸) فیصده ښيی ، اساسي علت یې هم د ځوانانو کمښت او نوری اقتصادي عوامل دي ، په داسې حال کې چې د سپین ږیرو شمیر له ځوانانو څو چنده زیات دی .

آلمان او د مهاجرینو ورتګ

په اوسني وخت کې په المان کې (۸،۱) میلیون تنه مهاجرین اوسیږي چې له دي شمیری څخه (۱،۵) میلیونه ترکان دی ،چې تر ټولو لوی توکم دی ، ورپسې (۲۱۰) زره تنه د شمالی افریقا عربان دی ، چې دوهمه لویه برخه ده ، ورپسې د سوريی ، عراق ، افغانستان خلک دی چې دا شمیری به په روانو کلونو کې نوري هم لوړي شي ، لاکن برطانیه بیا د المان په نسبت ددې ستونزي سره مخ نده ،په (۲۰۱۴) کال هلته د اصلی برطانویانو د نویو زږیدلو ماشومانو شمیر (۷۷۶) زره ؤ چې په مقابل کې یې (۵۷۰) وفات شوي ؤ فرانسه لا تر دی هم ښه ده له همدې کبله دا دواړه هیوادونه د مهاجرینو د قبلولو په وړاندي تر المان لږ لیوالتیا لری ، یوازی د خپلو نفوسو د کمبود په تناسب مهاجرین مني .

ددی هیوادونو په تناسب بیا یونان ، پرتګال ، هسپانیه ، بلغاریا او رومانیا نسبتا ښه حالت لری ، خو دا هیوادونه مهاجرین ددي امله نه مني چې خپلې اقتصادي ستونزي پرې حل کړي ، بلکه د کارګري طبقې په استولو غواړي چې خپل جامد اقتصادي حالت وغوړوي .

له همدي امله د مهاجرینو د قبلولو موضوع او شمیری هم د همدي هیوادونو د هر یوه تر اقتصادي غوښتنو او د نفوسو تر ترکیب پورې اړه لری .

له بلې خو د مهاجرینو لوی بهیر د اصلی اوسیدونکو د غصې او غضب لامل هم ګرځیدلی ، اصلی اوسیدونکي د کارونو د کمښت ، د کاریګرو د مزد د کموالی او د ثقامتی او دینې اندیښنو له امله د حکمتونو د پالیسو په وړاندي غبرګون ښيی ، چې په مقابل کې یې حکومتونه بیا د قبلولو د تقسیم اوقات په جوړلو ، او د موانعو په ایجاد او کله هم د ځینو مهاجرو په اخراج ، د پولو په تړلو د مذهبی آزدیو په کنترول او په ځینو هیوادونو کې د مذهبی سیکولزم په جبری کولو د خلکو غوښتنو ته مثبت ځواب وایی تر څو وکولای شي له یوه لوری خپله لویه ستونزه چې عام اولسونه ورته ډیر پام نه کوي حل او له بلې خوا د اولس له سخت غبرګون څخه ځانونه خلاص کړي او خپله سیکولو ثافتي ټولنه هم د مهاجرینو د دینې انتماؤ په لرلو سره د هغوی له نفوذ څخه وژغوری.

په اصل کې د ینې او ثقافتی ستونزه یو له هغو جدی ګواښوونو څخه ده چې اروپایی اوسیدنکې یې اندیښمن کړی ، هلته د اصلی اروپایانو مسلمانیدل ، د کلیساګانو په ودانیو د جوماتونو جوړیدل ،هر اروپایی ته لویه اندیښنه ده ، خو دي اندیښنې ته یې د لویو پلانونو په جوړلو تر ډیره د حل لاری لټولې ، چې د بیلګې په توکه به ځو ټکو ته ایشاره وکړم

اروپایی حکومتونه هڅه کوی د مسلمانانو په ورتلود هغوی به تصوراتو ، افکارو او د ژوندانه په حالت کې په تغیر را وستلو ځان د هغو له اغیزو وژغوری ، ددي تغیراتو لپاره لومړی هر مسلمان باندي دا لازمه ده چې د ژبې په کورسونو کې زده کړي وکړی ، او هلته ورته د ژبي د زده کړي تر څنګ اروپا یی کلتور او ثقافت په ښودلو ، د اسلامي په هکله هم د شک او تردید تصور ورکول کیږي د سیکولر ،آتیک او بی دینه ډلو او وطنوالو سره یې آشنا کوي ، دوی ته په میلمستونونو کې د عیاشي ، او فحشا او نورو ناروا کړنو لپاره د هر ډول آسانتیاوو برابرول هم یوه لاره ده تر څو وکولای شي د مسلمان په فکر او ایمانی قوت کې تغیر راولی همدا شان په نوموړو هیوادونو کې د اسلام ضد پراخ کمپاینونه ، چې د حکومتونو په ملاتړ یې ځینې ښی اړخې ګوندونه او ډلي په لاره اچوي مسلمان ته یو ډول روحې ویره پیدا کوی تر څو ونه شی کولای خپل دینې تړاو ته په ښه شان دوام ورکړي او د وخت په تیریدو سره نوموړی مسلمانان په اروپایی ټولنه کې زوب او په اروپا کې د یوه ښه مزدور کار په توکه ژوند کوی

مها

جره ښځه د ډیرو اولادونو د زیږدون توان لری

په اروپا کې داسي ګمانونه هم شته چې عربی او د منځینې ختیځ د ښځو د تولد توان د اروپایی ښځې په پرتله ډیر لوړ دی ، دا له یوې خوا رښتنی حقیقت دی ، له بلي خوا د مسلمان په حق کې لوی افراط ، مثلا په فرانسه کې داسې ګمان دی چې د فرانسوې اصلی ښځې د زیږدون توان (۱،۸) دی په داسي حال کې چې د عربی مهاجرې توان (۸،۱) دی ، دې له مبالغې ډکې شمیری د فرانسې په اولس کې د مسلمانانو د زیادت په اړه سختې اندیښنې را ولاړې کړیدي ،چې کیدای شي د فرانسي په ځمکه په څو راتلونکو کلونو کې د مسلمانانو شمیر دومره زیات شی چې لومړی دین به وشمیرل شي ، نو د فرانسی حکومت یې دې ته اړ کړی چې د زیاتوالی د مخنوی په موخه په مسلمانو کورنیو اقتصادي او د پالني او صحت مالیاتي فشار وارد کړي تر څو مسلمانان ونه شي کولای د مالیاتو د توان څخه ووزی او د ماشومانو په زیږدون کې کموالی راولی او دا حالت د فرانسوي اصلی اوسیدونکو په وړاندي داسې نه دی.

همدې خبری عرب او مسلمان مهاجرین د سختو کړاوونو سره مخ کړی ، په تیره بیا په اقتصادی برخه کې ، او همدا حالت په ټوله اروپا کې روان دي ، خو ریښتنې احصایی بیا بل ډول دی ، کومه احصایه چې نړوال بانک خپره کړې په هغو کې یوازي د نړی لاندې شپږ هیوادونه په نښه شوې چې هره میرمن هلته په اوسط ډول شپږ اولادونه زیږوي ،چې هغه هیوادونه عبارت دی له مالی ، بورندی ، انګولا ، صومالیا ، نجیریا ، چاد څخه ، خو د عربی مسلمانې مهاجري ښځې د تولد مقیاس په اوسط ډول (۲.۸) دی چې دا مقیاس په خپل اصلی هیوادو کې یې هم دی ، لکه المغرب ، مصر و سوریه ، الجزایر او داسې نورو کې ، او د فرانسوي اصلی ښځې دا مقیاس بیا (۱.۸) طفل دی .سره ددې چې مهاجره مسلمانه ښخه چې کومه مرسته تر لاسه کوي له فرانسوي ښځې ډیره کمه ده ، همدا لاملونه دی چې اروپایی هیوادونه په دورانې ډول یو لوی شمیر مهاجرو ته اړتیا مومي تر څو خپله تشه پرې ډکه کړي.

۱۳۹۷ خرداد ۷, دوشنبه

رسول الله (ص) به له خپلې کورنی سره څه ډول چلند کاوه .

د رسول الله (ص) تعامل له خپلې کورني سره ډیر نیک او خوښوونکی ؤ ، هیڅ داسې روایت نشته چې هغه (ص) به د خپلو ښځو او اولادونو سره د تاوتریخوالی له لاری تآدیبي چلند کړی وي .قالت عائشة - رضي الله عنها -: "كان رسول الله - صلى الله عليه وسلم - إذا خَلا في بيتِه أليَنَ الناس بسَّامًا ضَحاكًا، وقالت: ما ضرَب رسول الله - صلى الله عليه وسلم - امرأة له ولا خادِمًا قط"؛ رواه النسائي . عایشه (رض) فرمایی: رسول الله (ص) به چې کله کور ته راغی ، نو تر ټولو به نرم ؤ ، مسکي او خندونکی ، او هیڅ کله یې هم له کومه ښځه او نه کوم خادم وهلی ،تر دي چې له خادمانو سره به یې هم ډیر نیګ چلند کاوه ، حضرت انس (رض) فرمایی : ما د رسول الله (ص) لس کاله خدمت وکړ ، قسم په الله چې ماته یې د اف قدری هم ندی ویلی ،او نه یې دا راته ویلی چې دا کار د ولی وکړ او دا کار د ولی ونه کړ .دا حدیث مسلم شریف روایت کړیدی

نوموړی په دې هکله یو مثال او نمونه ؤ هغه (ص) به چې کله هم له کومې میرمنې غلطی ولیده نو پرته له دې چې له ترخه چلنده کار واخلی ، هغه به یې په ډیره پسته خبره متوجه کوله ،په یوه حدیث کې راځې چې عایشه (رض) یې روایت کوی چې : صفیه (رض) په طعام پخولو کې ډیره ماهره وه ، یوه ورځ یې رسول الله (ص) ته ډوډی پخه کړه ، په داسي حال کې چې هغه زما کره ؤ ، نو زه یې ورسره کرم چې دوډی وخورو ..نو له غیرته لاسونه وریږدیدل ،او لوښی راڅخه مات شو، خو پری پښیمانه شوم ، رسول الله (ص) ته مې وویل : ای د الله رسوله : ددي کار کفاره راباندې څه ده ؟ هغه (ص) راته وویل : د هغه لوښې په شان بل لوښی او د هغه طعام په شان بل طعام

قالت عائشة: "ما رأيتُ صانعة طعام مثل صفية، صنعَت لرسول الله - صلى الله عليه وسلم - طعامًا وهو في بيتي فأخَذني أَفْكَل - بوزن أحمد: الرعدة والقُشَعْريرة - فارتعدتُ مِن شدَّة الغيرة، فكسرتُ الإناء ثم ندمتُ، فقلت: يا رسول الله ما كفارة ما صنعتُ؟ قال: ((إناء مثل إناء، وطعام مثل طعام))؛ رواه أبو داود والنسائي،

هغه (ص) به له خپلو ازواجو سره ټوکې او خوش طبعي کوله ،داسې هم پیښه شوې چې د خپلې بی بی عایشې (رض) سره یې د منډې سیالی کوله ، او دا سیالی دوه ځله تر سره شوې . قد كان رسول الله - صلى الله عليه وسلم - يَمزح معهنَّ ويَنزِل إلى درجات عقولهنَّ في الأعمال والأخلاق، حتى روى أبو داود والنسائي من السنن الكبرى، وابن ماجة في حديث عائشة بسند صحيح أنه - صلى الله عليه وسلم - كان يُسابِق عائشة في العدْو، فسبَقتْه يومًا وسبَقها في بعض الأيام، فقال - عليه السلام -: ((هذه بتلك))

یوه ورځ د اختر په ورځو کې د حبشي څخه ځینې خلک راغلی ؤ او لوبي یې کولې چې خلک پرې راټول ؤ نو هغه (ص) بی بی عایشې هم ددې لوبو تماشې ته تر خپل شا ودروله تر څو د لوبې تماشه وکړي، وفي الصحيحَين وغيرهما عن عائشة - رضي الله عنها - قالت: "رأيت رسول الله - صلى الله عليه وسلم - يَستُرني برِدائه وأنا أنظر إلى الحبَشة يَلعبون في المسجد، حتى أكون أنا الذي أسأمه"، ولأحمَد عنها أن الحبَشة كانوا يلعبون عند رسول الله - صلى الله عليه وسلم - في يوم عيدٍ، قالت: فاطَّلعتُ مِن فوق عاتقِه فطأطأ لي منكبَيه، فجعلتُ أنظر إليهم مِن فوق عاتقِه حتى شَبعتُ وانصَرفتُ.

هغه (ص) به له خپلو ازواجو سره مشوره کوله ، کله چې د حدیبیې په صلحه کې مسلمانان د رسول الله (ص) په پریکړه ناخوښې شول او د رسول الله (ص) د امر په خلاف یې نه غوښتل چې ځانونه له احرام څخه وباسې ، ویښتان کم کړي ، او قربانی حلالې کړي ، نو رسول الله (ص) ته د هغه میرمني ام سلمه (رض) مشوره ورکړه چې ولاړ شه د خلکو په مخکې خپل سر کل کړه ، او ځان له احرام څخه وبا سه ، بیا دوی هم خپله دا کار کوي ، چې همداسی وشول او هغه ستونزه پای ته ورسیده

هغه (ص) به هڅه کوله چې د له خپلو ازواجو سره د کور په کارونو کې مرسته وکړي ،له بي بي عایشه (رض) څخه چې کله د هغه (ص) د کورني ژوند په هکله پوښتنه وشوه ، نو هغې (رض) وفرمایل : هغه به د خپلي کورني په کارونو کې تر هغه وخته اخته ؤ تر څو به چې د لمانځه وخت نه ؤ را رسیدلی ، کله به چې د لمانځه وخت شو نو جومات ته به ولاړ. وسُئلت عما كان النبيُّ - صلى الله عليه وسلم - يصنَع في أهلِه، قالت: "كان في مِهنَة أهلِه فإذا حضَرت الصلاة قام إلى الصلاة"؛ رواه البخاري.

هغه (ص) به د ټولو ازواجو سره په ډیر دقیق ډول د مساوات او عدالت په اساس تعامل کاوه او د ټولو خوښې او سعادت به یې غوښت ،هره یوه به یې هڅوله چې خپل عبادت او دیانت کې هڅه وکوي ، د ستونزو په مهال به یې د صبر او تحمل درس ورکاوه ، د خوښې لاری به یې ورته برابرولې ، د ژوند او آخرت به کارونو کې به یې ورسره شریکولې ،

داسې نده پیښه شوې چې د یوې حق یې بلې ته ورکړي وي او د یوې څخه بلې ته یې ډیر وخت ورکړي وي ، سره ددې چې شمیر به یې زیات ؤ خو هرې یوې به د خوښي احساس کاوه ، او هره یوه به په دې خوښه وه چې رسول الله (ص) دې د هغې سره تل پاته ژوند ولری ،داسی نده پیښه چې کومه یوه دې چاته شکایت ترې وکړی او یا دې ناراضه وي .

رسول الله (ص) به دوی په هغو نومونو یاودلې چې دوی ته به هغه نومونه ډیر ګران او خوښ ؤ ، داسې روایتوه هم شته چې رسول الله (ص) به خپلو ازواجو ته په خپل لاس طعام ورکاوه ، له همدې امله د یو سړي طعام ورکول خپلې ښځې ته په خپل لاس سره عبادت ګڼل شوي ،. همدا شان هغه به د خپل ځان سره ډیر پام کاوه ، تل به یې ځان په ښه عطرونو معطر ساته تر ځو یې زوجې د خوښي احساس وکړي او د بدن بوی ته به یې دیر پام ؤ ،او نور هغه نظافت چې د ښځې او خاوند ترمنځ د محبت او خوښی لامل کړځې هغه (ص) به د ټولو ازواجو سره په ډیر دقیق ډول د مساوات او عدالت په اساس تعامل کاوه او د ټولو خوښې او سعادت به یې غوښت ،هره یوه به یې هځوله چې خپل عبادت او دیانت کې هڅه وکوي ، د ستونزو په مهال به یې د صبر او تحمل درس ورکاوه ، د خوښې لاری به یې ورښودلې ، د ژوند او آخرت به کارونو کې به یې ورسره شریکولې ،

داسې نده پیښه شوې چې د یوې حق یې بلې ته ورکړي وي او د یوې څخه بلې ته یې ډیر وخت ورکړي وي ، سره ددې چې شمیر به یې زیات ؤ خو هرې یوې به د خوښي احساس کاوه ، او هره یوه به په دې خوښه وه چې رسول الله (ص) دې د هغې سره تل پاته ژوند ولری ،داسی نده پیښه چې کومه یوه دې چاته تری شکایت وکړی او یا دې ناراضه وي ،

رسول الله (ص) به مسلمانان هم د ښځو سره نیکی ته هڅول ، او ویل به یې: په تاسو کې بهتره هغه څوک دی چې د خپل اهل ( ښځو) سره بهتره وي ، او زه په تاسو کې له خپل اهل( ښځو) سره په چلند کې تر ټولو بهتره یم

عنها ( عایشه)- رضي الله عنه - قالت: قال رسول الله - صلى الله عليه وسلم – ((خيركم خيركم لأهله، وأنا خيركم لأهلي، ما أكرمَ النساء إلا كريم، ولا أهانَهنَّ إلا لئيم))؛ رواه ابن عساكر بهذه الزيادة، ورواه ابن حبان في صحيحِه بحَذفِها

همدا شان هغه به د خپل ځان سره ډیر پام کاوه ، تل به یې ځان په ښه عطرونو معطر ساته تر ځو یې زوجې د خوښي احساس وکړي او د بدن بوی ته به یې دیر پام ؤ ،او هغه نظافت چې د ښځې او خاوند ترمنځ د محبت او خوښی لامل کړځې له ټولو هغو کارونو به ډیر لیرې ګرځیده چې د کورني ژوند د خرابی لامل کیږی ، مینه او محبت له منځه وړي ، هغه به د ښځو خاص زیورات هیڅکله هم نه اغوستل ، هغه (ص) به له خپلو ازواجو سره مینه کوله او د مینې کارونه به یې کول ، د ښځو لپاره به یې حلال مال مصرفاوه ، ددوی سره به یې خندل او ټوکې به یې ورسره کولې ، دا چې نوموړی د ازواجو تر منځ داسې نوبت اچولی ؤ چې هره ورځ به یې د یوې زوجې په خونه کې تیره وله ، خو هره ورځ به یې ټولې زوجې د هغې بي بي خونې ته را غوښتې په کومه کې به چې د هغه (ص) نوبت ؤ ، او په شریکه به یې ډوډئ سره خوړله ، کله به یې دماخوستن له لمانځه وروسته ټولې ښځې هغې خونې ته راغوښتې چې هلته به یې نوبت ؤ ، نو به یې د تربیت تر څنګ ورسره د خوښی او خوشهالی پرګرام جوړاوه ، رسول الله (ص) به تر ټولو نارینه ؤ خپلو ازواجو ته ډیر وفاداره ؤ ، په تیره بیا کومه وفا یې چې د خپلي لومړنې بی بی خدیجې (رض) سره درلوده ، بی بی عایشه یې په احساساتو راوسته چې د هغې مړې ښځې ولې دومره صفت کوي

د رسول الله (ص) سره هم د خپلو زوجاتو بی کچې مینه : أم حبيبة رملة بنت أبى سفيان ـ رضي الله عنها ـ.د مکې د سردار ( ابو سفیان ) لور وه ، هغه د شرک په وخت کې د خپلې لور کره چې د رسول الله (ص) ښځه وه ورغې ، په خونه کې د رسول الله (ص) توشکه پرته وه ، هغه غوښتل چې په دې توشکه کښینې ، خو مخکې له کښیناستلو ام حبیبې هغه توشکه ورڅخه پورته کړه او ابو سفیان په غولي کښیناستلو ته اړ شو ، د خپلې لور له دې کاره یې پوښتنه وکړه چې ولې دې دا کار وکړ ، هغې ورته وویل : دا د رسول الله (ص) توشکه ده ، او ته یو مشرک ، نو زه نه غواړم چې یو مشرک د رسول الله (ص) په توشکه کښینې .

عدل :هغه د خپلو زوجاتو ترمنځ داسې عدالت قایم کړي ؤ چې د سختې ناروغتیا په حالت کې به یې هم ددوی ترمنځ د نوبت خبره نه هیروله ،د هغې کونډې ښځې سره به یې دری ورځې ددې لپاره تیرولې تر څو یې غم او خفګان په خوښی بدل شي . دا چې هغه (ص) به عدالت باندې دومره تینګار کاوه چې الله تعالی به باربار وته فرمایل چې الله تعالی مو په هغو اعمالو نه نیسې چې عدل کول پکښې تاسو ته ممکن نه وي ، لکه د یوې تنې سره زیات مینه کول ، او یوې ته تر نورو زیات میلان درلودل ، او هغه (ص) به تل له الله تعالی غوښتنه کوله چې د عدل په تر سره کولو کې توفیق ورکړې ،

رسول الله (ص) به تل د خپلو زوجاتو مثبتو ټکو ته ، ددوي نیکیو او ښکلا ته پام کاوه ، او د هغوی په سهوؤ ، او خطاګانو به یې سترګې پټولې ، کله به چې کومې زوجې ورسره مباحثه کوله او یا به یې خبره ورسره تیزه کړه ، نو هغه (ص) به صبر پرې کاوه او په وړاندې به یې له احسان او نیکې څخه کار اخیست ، هغه (ص) به د زوجاتو سره دومره مینه کوله چې کله به کومې یوې د کاسې د کوم ځای څخه ډوډئ خوړله ، هغه (ص) به هم ترې خوړله ، تر څو یې د زوجې په زړه کې نوموړې ته مینه پیدا شي ، د هغوې خفګان به یې نه شوای تحمل کولای ، په یوا روایت کې راځې چې صفیه (رض) یې په یوه سفر ملګرې وه او هغه یې په داسې حال کې ولیده چې ژاړي ، نو رسول الله (ص) ورغې او د ژړا پوښتنه یې ورڅخه وکړه ، نو هغې ورته ددې شکایت وکړ چې په یوه اوښ سپره کړې چې ډیر کرار او ورو ورو ځې ، نو رسول الله (ص) هغه دلاسا کوله او د هغې سره یې مینه کوله تر دې چې د مخ اوښکې يې په خپل لاس وروچې کولې ،

په یوه بل روایت کې راځې چې انس (رض) روایت کړی .وایی: موږ مدینې ته له خیبر څخه بیرته راروان ؤ رسول الله (ص) مې ولید چې د خپل اوښ څنګ ته ناست ؤ رسول الله ( ص) یې خپل زنګون ایښی ؤ او صفیی (رض) یې خپله پښه د هغه په زنګانه ایښې وه تر څو اوښ ته پورته شي ..هغه (ص) دا عمل د ټول لښکر په مخکې کاوه او په دي یې کوم عیب نه ګانه . فعن أنس قال: "خرجنا إلى المدينة -قادمين من خيبر- فرأيت النبي صلى الله عليه وآله وسلم يجلس عند بعيره، فيضع ركبته وتضع صفية رجلها على ركبتيه حتى تركب البعير"، فلم يخجل الحبيب صلى الله عليه وآله وسلم من أن يرى جنوده هذا المشهد وهو يظهر الحب والمودة لزوجته السيدة صفيه. دا چې هغه (ص) به عدالت باندې دومره تینګار کاوه چې الله تعالی به باربار وته فرمایل چې الله تعالی مو په هغو اعمالو نه نیسې چې عدل کول پکښې تاسو ته ممکن نه وي ، لکه د یوې تنې سره زیات مینه کول ، او یوې ته تر نورو زیات میلان درلودل ، او هغه (ص) به تل له الله تعالی غوښتنه کوله چې د عدل په تر سره کولو کې توفیق ورکړې ،

۱۳۹۷ فروردین ۳, جمعه

ای افغانانو د کوزي پښتونخوا له پښتنو سره مو څه وکړل ؟ او بیا هم تمه لرو؟

ای افغانانو د کوزي پښتونخوا له پښتنو سره مو څه وکړل ؟ او بیا هم تمه لرو؟ لیکنه : محمد شفیق صادق

کوزه پښتونخوا د افغانستان د لوی وجود یوه نه بیلیدونکې برخه وه ، زموږ دین ، زموږ فرهنګ ، زموږ وینه ، زموږ ژبه او زموږ وطن سره شریک ؤ ، هلته تل د افغان په نوم د خوشهال خان سندرې ویل کیدي ، او د برود لښکرو په لومړیو قطارونو کې به د خیبر او بولان ځوانانو خپل ځانونه قرباني کول د احمد خان ، تیمورشاه او شاه زمان د لښکرو دوه په دی برخه به همدي خوانانو جوړوله ، خو د زمانې او تاریخ نادودو ، او زموږ د مشرانو بی پرواییو دا یو تن او یو وجود داسي دوه ټوټې کړ ، چې اوس یې پیوند کول د تاریخ یوه معجزه ده ، خو آیا دوی له موږ سره جفا کړې او که موږ له دوی سره ؟

دا د یوه ویرجن تاریخ د پښتنو په وینو لیکل شوي یو اوږد داستان دی چي ځان خبرونه تري د هر افغان دنده ده چې دلته یې تفصیل له توانه لوړ دی خو په لنډو کې به ترخو تاریخي جفاؤؤ ته ایشاره وکړم ..

کله چې شاه شجاع د هیواد د تخت خوبونه ولیدل ، نو هغه لومړی څوک ؤ چې د کوزو پښتنو په غاړه یې د رنجیت سنګ په ګټه چاړه ورتیره کړه ، او کوز پشتانه یې د خپل واک غوښتني له شهوته په داسي حال کې قربانې کړل چې پښتانه د سکانو د لښکر د تورو او نیزو تر ګوزارونو لاندی ؤ او د آزادی لپاره یې خپل سرونه قرباني کول .

دوهم ځل چې کله د انګریزانو له ماتې وروسته امیر دوست محمد خان واک ته ورسید ، او لښکر یې د کوزي پښتونخوا د راټلولو لپاره واستاوه ، کوزو پشتنو د دوست محمد خان دا لښکر د خوشهالي په بدرګه تر ملتان ورساوه ، خو کله چې د انګریزانو د غوښتنې خبره مطرح شوه ، همدا پشتانه یې په ډاګ انګریزانو ته پریښودل او دوست محمد خان په ځغاسته کابل ته راورسید ..

کله چې عبدالرحمن خان دیورند امضاء کړ ، د کوزي پښتونخوا ، وزیر ، مسید او نور قومونه په زړا او زاریو کابل ته راغلل ، چې د خدای لپاره موږ ولی انګریزانو ته سپارې ، او په کابل کې عبدالرحمن خان پرته له دې چې د هغوی سره ووینې دروازي یې پسې بندې او په دی تور چې تاسو تل له انګریزانو سره جګړې کوي او ماته ستونزي جوړوي ، په ډیره بی عزتي وشړل ..

کله چې امان الله خان د استقلال جګړه پیل کړه ، همدا د کوزې پښتونخوا اولسونه ؤ چې په وزیرستان او کورمه کې یې د انګریزانو چوڼې یو په بل پسې ونیوي او افغاني لښکر ته یې د ورکوزیدو لاره هواره کړه ، دوی په دي تمه چې افغانی واکمن به مو د انګریز له غلامی خلاص کړي ،هری قربانۍ ته تیار شول ، خو موږ څه ورسره وکړل ؟ کله چې د جګړې خبره سړه او متارکه اعلان شوه ، امان الله خان پرته له دي چې د هغوی سرنوشت معلوم کړي همداسی یې انګریزانو ته پریښدول او د استقلال لپاره د مذاکراتو په خبرو کې یې د دوی خبره را یاده هم نه کړه ، د کوزي پشتونخوا پښتنو اماني لوري ته خواستونه کول چې زموږ برخلیک معلوم کړی خو هغه د تقدیر په ځای ، انګریزانو ته وسپارل ..

د پښتونخوا مسلمان اولس د استعمار په ټوله یوه پیړې کې د دیني علماؤ او قومې مشرانو په لارښوونه د انګریزي استعمار سره په جګړه او ډغرو بوخت ؤ. او انګریزانو هم له ۱۸۵۰ میلادي کال څخه تر ۱۹۴۵ کال پوري په کوزه پښتونخوا (۱۰۰) لویی حملي وکړي ، اودا اولس یی د آزادئ او افغاني لوری سره د مرستي او تماس په تور داسي وځپه چې له هر یرغل وروسته به تر ډیره بیا پکښې د راپورته کیدو توان نه ؤ

..انګریزانو به دا پښتانه د آزادي په تور د غلامی په ځنځیرونو تړل خو د برو پشتنو واکمنو به د ښخو په ګنجونو کې د عیش او عشرت شرابونه په سر اړول ..

د پاکستان له جوړیدو مخکې او وروسته پښتانه مشران په بره پشتونخوا کې کور په کور د مرستې په تمه ګرځیدل ، خو یوازي له سردار محمد داؤد خان پرته چې ( هغه هم په شاهي دربار کې په لیوني مشهور ؤ او د همدي خواخوږي له امله په شاهي دربار کې له حکومت کولو منع شو)د هغوی خبره ته یې غوږ نیوه ، نورو پری یوازی د پشتونستان په نوم د سندرو بیتونه جوړل .

افغاني کمونستي واکمنو ددې په ځای چې د پښتنو د حقونو او آزادي مسئله ورسره مطرح وي ، د کمونزم د پراختیا په تمه یې د کمونستی مفکوري د خپلولو په شرط پښتانه مشران په تمه کول چې نه یوازي پشتنو ته یې کومه ګټه ونه کړه ، بلکه دپشتنو د حقونوهمدا کمونست مشره غوښتونکې یې نور هم په ملت کې سپک او بي اهمیته کړل ...

نو اوس څوک ملامت دي؟ موږ ، زموږ مشران ، او که ملایان ؟

نو ایا اوس بیا موږ ددې توان لرو د هغوی د حقونو څخه په عملي ډول ملاتړ وکړو ؟

او که یو ځل بیا به دوی د پخوا په شان دا ځل د پنجاب لښکرو ته لکه چې پریښې مو دي ، پریږدو تر څو پري هغه څه وکړي چي ددوی اسلافو کړي ؤ ...

۱۳۹۶ اسفند ۱۶, چهارشنبه

په افغانستان د تبشیری یرغل څو محورونه

په افغانستان کې د تبشیری یرغل څو محورونه

تبشیري پالیسي د اسلامي نړۍ د مسیحي کولو او یا له اسلام څخه د بېلولو هغه پالیسي ده چې اروپایانو له (۱۵) مې پېړۍ راپدې خوا د نړۍ په ګوټ ګوټ کې کار پرې کوي، خو په (۱۹) او (۲۰) میلادي پېړۍ کې تبشیر د اسلام د دښمنۍ یوه ښه وسیله جوړه شوه چې د لویدیځ د کلیسا واکمنو د نورو اسلام دښمنه کړیو په ملګرتیا د اسلام سره د مقابلې او له منځه وړلو په موخه، په مختلفو بڼو روانه ساتلې وه، د دې پالیسۍ موخه دا وه چې مسلمانان په لومړۍ مرحله کې د اسلام ددین د حقانیت په برخه کې شکمن او متردد کړي بیا ترې داسې څوک جوړ کړي چې له اسلام سره یې تړاو وشلېږي.

د کار څرنګوالی

په تېرو پیړیو کې دا کار د عیسوي مبشرینو لپاره ډېر ستونزمن ؤ، دوی به لومړی ځانونه د مسلمانانو په بڼه جوړول، د هغوی ژبه به یې زده کوله، د دین ډېر مسائل به یې زده کول، او تر ټولو دا چې په پښو به کلي په کلي، ښار په ښار، او مدرسه په مدرسه ګرځېدل، له همدې امله دوی به له ستونزو سره مخ وو، خو په مستعمرو سیمو کې یې بیا کار ښه پرمختګ کاوه.
د همدې تبشیر په مټو، د افریقا لویه وچه، هندوستان، جنوبي آسیا، تر دې چې تر فلیپین او کوریا پورې عیسویت خپور شو، او په اسلامي هېوادونو کې یې ارتداد ګڼې لاسته راوړنې درلودې.
په افغانستان کې د مبشرینو فعالیتونه دانګریزي استعمار د راتګ سره سم پیل شول، داچې متأسفانه افغانستان په تېرو دوو پېړیو کې د کورنیو اغتشاشونو او د انګریزي استعمار سره لاس او ګرېوان ؤ حکومتونه او لیکوالان ندي توانیدلي په دې اړوند کره لیکنې ولري، خو موږ ته ډېر داسې حکایتونه را روایت شوي چې ځینو انګریزانو ( مبشرینو ) به د ملایانو، پیرانو او مجاورانو په جامو کې په ځینو سیمو کې د خلکو تر منځ کار او ژوند کاوه …

نوی تبشیر
خو د علمي پرمختګونو او د وسائلو د آسانتیاوو په برکت د تبشیر کار آسانه شو، او مبشرین پرته له دې چې د پخوا په شان په کلیو او مدرسو وګرځي د مؤسساتو، پروژو، سیمینارونو او ورکشاپونو له لاري . په تېره بیا د فیسبوک، ټویټر، انټرنټ او رسنیو په واسطه یې فعالیت پیل کړی دی .

دوی په لومړي سر کې هغو کسانو ته د اسلام په هکله شکونه پیدا کوي چې د اسلام څخه کافي معلومات نه لري، هغوی ته له یوې مرحلې وروسته په همدې برخه کې روزنه ورکوي، تر څو دوی په خپله د افغانانو تر منځ دا کار په غاړه واخلي ..چې همدا اوس په مختلفو بڼو دا فعالیتونه د ځینو مؤسساتو او ټولنو له لوري په مخ روان دي ..

په افغانستان کې د تبشیریانو د جګړې ډګرونه
د تېرو او روانو بې ثباتیو او جګړو څخه په ګټه اخیستنه په افغانستان کې د کلیسا تبشیري لویې ډلې د خپلو لویدیځوالو فوځونو او پراخو مؤسسو په مټو توانیدلي چې ګڼ کسان د خپلو موخو ښکار کړي، چې ځینې خو یې په تېرو کلونو کې د مسیحیت تر اعلان پورې هم ورسېدل، چې اوس بیا همدا افغاني مینځل شوي مفکرین د پیسو په مقابل کې د انجمنونو، مدني ټولنو، او نورو خیریه مؤسسو په نوم همغه کار کوي چې تبشیري مؤسسې او ډلې ورته لارښوونه کوي.

په افغانستان کې مبشرین په لاندې ډګرونو کې زموږ په خلاف خپله جګړه په مخ بیاییي:

۱– د حجاب په خلاف جګړه،

دوی دا جګړه له چادري راپیل کړې، او د افغاني ښځې تر پوره بربنډولو به یې پرمخ بیایي چې تېرو دوو کلونو کې د چادري په سر کولو، او د نقابونو په مسخره کولو کوڅو او بازارونو ته راووتل .تر څو د حجاب اهمیت راکم او افغاني ښځې له خپل کلتور څخه را وباسي ..

۲– په دیني مدرسو او دیني مرکزونو بریدونه
ددې لپاره چې دینې مراکز، مدرسې او دار الحفاظونه له منځه ویسي، او یا یې په ټولنه کې رول راکم کړي، نو دا مرکزونه د ترورزم په نوم، د بد اخلاقۍ په نوم او داسې نورو نومونو تورن کوي، تر څو یې اهمیت راکم، په خلکو کې منفور او بیا یې له منځه یوسي.

۳– د دیني علماؤ بدنامول

د دین علماء د دیني پوهې له امله په ټولنه کې د دین د رسولو، بیانولو او خلک پرې پوهولو اساسي مراجع دي، دوی دیني علوم لوستي او دنده لري تر څو همدا دیني علوم خلکو ته ورسوي، او خلک ددین په احکامو اوامرو او نواهیو پوه کړي، خو ددې لپاره چې د عام اولس له دین سره فاصله پیدا شي، له دین څخه ناخبره واوسي، دوی هڅه کوي دیني او مذهبي مشران د خلکو په وړاندي بدنام، او ناوړه معرفی کړي، خبرې یې دروغ او وینا یې بي ګټې وښېې.

دیني او مذهبي مشران او علماء د ترورزم په ملاتړ بدنام کړي، داسې یې خلکو ته معرفي کوي چې همدا علماء د ترورزم په ترویج کې لاس لری.

۴– دیني مقدسات او مذهبي ورځې بي اهمیته ښول

ددوی جګړه په پاسنیو ډګرونو کې نه تم کېږي، دوی په دیني مراسمو، لکه: حج کول، روژه نیول، زکات ورکول، د اخترونو قربانیو هم نیوکې کوي، او خلکو ته داسې فکر ورکوي چې ګواکې دا ملایانو د خپلو ګټو په موخه رامنځ ته کړي او کومه ګټه نه لري، له همدې امله هڅه کوی خلک د حج او عمرې له اداء کولو را وګرځوي، د روژې نیول ورته بي اهمیته کړي، د اختر ‌‌ذبحه ورته ظلم معرفی کوي.

۵– افغانان له اسلامي امت او اسلامي تاریخ څخه بېلول
تبشیري ډلې د خپلو سیکولر ډلو په ملاتړ غواړي افغانان له نور اسلامي امت څخه را بېل کړي تر څو کمزوري او د اسلام سره یې تړاو وشلېږي، بیا یې په خپلو منځونو کې په قومي او ژبنیو اختلافاتو کې راګیر کړي د اسلام سره تړاو ورته یو بهرنی تړاو معرفی کوي، هڅه کوي چې دوی ته دا وښیي چې اسلام خو عربو راوړی او دا یو پردی او د عربو دین او کلتور دی، اسلامي تاریخ ورته بهرنی کلتور معرفی کوي له همدې امله کله ورته د آریایانو جشنونه جوړوي، او کله هم د زردشتیانو ..

۶– د اسلام په ځینو لارښوونو ملنډې وهل
ددې لپاره چې اسلام د خلکو په اذهانو کې بد او کمزوری معرفی کړي، د اسلام په ځینو احکامو او قوانیو نیوکې کوي او ملنډې پرې وهي، له دې جملي څخه د جهاد په هکله ناوړه تبلیغات کوي، او جهاد یو ناروا، د وینو تویولو، او ورانۍ عمل معرفی کوي تر څو په دې ډول د جهاد موضوع د خلکو په وړاندې بي اهمیته، او استعمارګران وکولای شي په آسانۍ په افغانانو خپل واک ټینګ او د تل لپاره مستعمره کړي، همدا شان د قصاص، او حدودو په اړوند هم خلکو ته شکونه پیدا کوي.

۷– د متشابهاتو او عقیدوي مساېلو راوړاندې کول
په قرآنکریم کې ځینې آیتونه صریح بیان لري او په آسانۍ یې مطلب اخیستل کېدای شي خو ځینې بیا داسې آیتونه شته چې د معنی په هکله یې مفسرین یوه خوله ندي، چې دې ته متشابهات وایي، دوی دا آیتونه د عامو مسلمانانو په وړاندې چې اصلا له اسلام څخه کامل معلومات نه لري د بحث لپاره وړاندې کوي بیا پکې خپل د خوښې تعبیرونه او تفسیرونه کوي چې کله هم د اسلام احکام خلکو ته غلط معرفي کوي، همدا شان ځینې عقیدوي مسائل چې په پنځو حواسو نه لمس کېږي، د شک اچولو په موخه د بحث لپاره راوړاندي کوي لکه د جنت او دوزخ، د قبر عذاب .. ملائکې او داسې نور بیا پکې خپل تأویلات کوي ..

دا او داسې نور فعالیتونه همدا اوس د تبشیري ډلو له لوري روان دي، کېدای شي، افغانان ددې خلکو اصلي څېرو او موخو ته متوجه او ددوی په اصلي موخو پوه شي.