موږ یو احساساتي ملت یو....

 موږ یو احساساتي ملت یو....

زموږ احساسات تل په  عقلانیت او معلوماتو غالب وي ، ، ډیر وخت په آوازو پسې روان ؤ  ، مطالعه او کتاب لوستنه مو هستي هم عادت نده ، له همدی امله   د سرچوک اوازي راته معتبری وي ....

اسلام مو منلی خو له لارښوونو یې بی خبره یو  ، ډیر وخت مو عادی انسانان د معصومیت درجې ته رسولې ، د هغه په ملاتړ او محبت مو خپل خلک وژلې ، ځورولې او په عزت مو روته تیری کړی ، په داسې حال کې چې موږ( مسلمانان ) زیاتره د حنفی مذهب پیروان یو ، د هغه مذهب تګلاره داده چي په انسانانو کې یوازې او یوازې پیغمبران معصوم ؤ دوی له خطاء او سهوي څخه پاک ؤ ،نور ټول انسانان  په سهوه او خطاء کي لویدلی شي ..که هغه صحابی دی ، که تابعی ، که امام ، که پیر که فقیر ، نو په لوی لاس یو عادی انسان د عصمت درجي ته رسول او بیا یې په ملاتړ وینې تویول ، تهمت لګول ، درواغ ویل ، ښکنځل کول ..دا هر څه د اسلام او حنفی مذهب له لارښوونو سرغړونه ده خو کاشکي موږ ځانونه د خپل مذهب په اصولو پوه کړی وای نو تل به مو په  ړندو سترګو تر هر بیرغ لاندي ژوند نه تیراوه ...    

د نړی خلک چي څه واوري نو بیا پری څیړنه اومطالعه کوي خو موږ بیا د خپل فکر په اساس پریکړه کوو .. زموږ سره په لیسه  کې یو استاذ ؤ کله به چي د استاذانو تر منځ په کومه خبره بحث پیل شو نو هغه به ویل : زه خو کوم کتاب هم نه لرم او نه مي مطالعه کړي خو زما په آند چي دا مسئله به داسې وي .. نو نورو به ورته ويل : هو ستا په ګیډ بیان کي همدا ډول راغلي دي....